黃建業：Cash WAS king 2009年6月4日

佢緊係咁講ga, 不過中原五月佣金收入有7億, 又真係唔講笑

黃建業：Cash WAS king 2009年6月4日

【明報專訊】近排樓市旺到不得了，作為行內龍頭之一嘅美聯集團(1200)主席黃建業對樓市嘅睇法亦出現180度轉變。

小琴聽聞，噚日黃主席同各區主管開會，會上寄語各人話：「Cash was king, Property is king.」即係話，依家揸現金已經過時，物業先係首選，可見佢對後市已轉趨樂觀。

「Property is king」

佢喺舊年公布中期業績時，即雷曼爆煲後冇幾耐，被問及當時經濟危機嘅嚴重程度，佢就話：「上帝要人滅亡，必先令人瘋狂。」又指當時不單止係「Cash is king」(現金是王)，更加可以講係「Cash is God」(現金是上帝)。

今年3月集團公布全年業績，係美聯自1995年上市以來業績首度見紅。黃主席又同大家分享對樓市嘅睇法，笑言今年係「用家買樓年，炒家失落年。」又指現時業內仍處於寒冬期。但噚日對樓市嘅睇法，似乎已經表明佢對樓市睇法已經轉軚。

舊年金融海嘯後話樓市進入冰河時期嘅中原主席施永青日前亦講，自己低估樓市反彈情况，即話係，代理行兩大老闆已經齊齊轉軚。