致富vs一通期權收費

輝立點都係貴, 致富 & 一通各有優勢, 某情況下致富會便宜些, 某情況下一通會便宜些, 各位ching小心D.

一通係每張期權 $5 (1張=1手), 假如你走去做 388 港交所 或 700 QQ 的 stock option 就真係唔化算, 因為 388/700 每手係 100股, 如果 當時期權價格 假設是 $0.5 , 每手100股 = $50/一手, 一通 $5/張 股票期權 = 10% 交易成本, 你話貴唔貴! [假如你做20張388/700, premium = $1000計, 佣金要付$100 ~~ $5/張 X 20手]

相反, 致富stock option 佣金係用成交額計, 即係 $50 或 0.25% (最高者為準), 假如你做港交所, 每股 $0.5 期權金 X100股 1手 = 50/一手, 你做100張期權 = $5000 期權金, 佣金都只係 $50, 就算你做 400張期權 = $20000, 佣金都係 $50, 相反你用一通就大鑊, 400張期權 實收你 $2000 佣金, 相差 $1950 佣金, 問你驚唔驚.

你用一通做股票期權: 除非你做 10手 期權 (咁無論致富/一通 理論上都係一樣佣金), 或每張期權價值 $2000 或以上 (例如長實 每手1000股, 如果你做 $2 期權金 = 1000x2=$2000), 用一通先有優勢

如果你做多過10手期權而每手的期權金 少於 $2000, 用致富比較實際. 多過2000蚊/一手 就用 一通化算D.

一通唔係樣樣平架, 只係做股票, 大期, 大權比較有jetso. 小期未必有jetso, 股票期權亦未必便宜得過致富, 所以開齊 一通 & 致富 , 佣金優勢才會有 synergy (協同效應)