渣打分行有得扭蛋

渣打分行有得扭蛋
【明報專訊】小琴成日覺得渣打(2888)係香港點子多多，繼早排發行150蚊紙慈善紀念鈔票，渣打贊助「渣打藝趣嘉年華2009」又搞搞新意思，將深受後生仔歡迎嘅「扭蛋機」帶入銀行分行，淨收益會全數撥捐「香港青年藝術協會」。

不過扭蛋「供應期」有限，市民11月中前可到渣打30間指定分行以10蚊雞「扭」番隻「蛋」留念。扭蛋內藏嘉年華主題電話繩，又或者6款以「慶典．祝賀」為題的卡通人物鎖匙扣，分別代表印度(大象、傳統服飾女孩)、非洲(獅子)、日本(人形娃娃)、中東(樹精靈)及中國(壽包)嘅節慶活動。