Honda Stream 1.8 RS

生果日報網上版－－2009-08-26
闊尾還我自由

Honda繼小改款 Stream豪華版 2.0 RSZ後，緊接引入入門版 1.8 RS到港，唔同 RSZ鬥豪華，卻換上全新技術嘅1.8公升 i-VTEC環保引擎， Sell慳家；車身設備唔多但算齊兼夠用，最重要係車尾第三排特別闊，係真正坐得人放得腳嘅尾排，長腿Model坐落去化妝、換裝乜都得，自由度勁高。

記者：梁美甜
攝影：王文忠
Model： Tiffany@The Group
尾排闊落

■七座 MPV尾排坐得人之餘，隱藏式尾廂依然放得落唔少雜物。

自問出身草根，從來唔明白，點解部車副偈係 V10、 V12，要成500匹至叫夠用；從來唔明白，點解部車要叫價成幾百萬甚至千萬至叫夠撐；香港地邊有公路高 Support到 500匹馬力嘅車行駛呢？行到110km/h已經到頂，超級引擎都只係細細力踩下油門已要收油。
自問眼光短淺、銀根短絀，「奢侈」唔起，實用七人車至實際，全新小改款Stream RS， 1.8公升引擎經調校後，較以往更慳油、燃油效益更好之外，最重要係新車所標榜嘅寬闊尾排的確比以往更鬆動，雖不及Picnic般寬裕，但相比 Wish則有過之而無不及，誇啲講句，坐喺尾排點轉身、化妝裝身都容易方便，幾百匹馬力對乘客嚟講意義不大，但揸Stream RS，起碼坐尾排幾位姨甥仔唔會嘈嘈閉詐晒型！

新點：尾泵把、尾燈、氣喉


新點：頭泵把、側鏡指揮燈、 15"新軨


■ RS新增側鏡連指揮燈。


■ 15吋唔夠霸氣？但慳油呀！五星設計點都攞番分啦。

大手配置既然係全新小改款，新車就算係入門版當然要換上唔少新配件，而新Stream無論係豪華版抑或入門版，都大手筆地加入大量新配件同設備，如全新頭 尾泵把、側鏡連指揮燈、尾燈組及尾喉、新式合金輪圈等，外形靚仔咗而神氣咗，唔仔細睇恍如大部啲嘅私家車般。內裝方面，全車換上真皮座椅連「 RS」Logo、全新方向盤連新增多功能鍵、前座中置手枕及置物位等。美其名小改款，卻鮮有地大手添置呢！

最重要係新車副偈犀利咗，搭配五前速自動波，馬力輸出高達 140匹，當然一樣有大熱嘅「 ECO」模式，就算 Keep住時速 60、 70公里都只係千零轉，可見新車相當慳家，配合七人MPV功能，以平日坐兩、三人及載少量雜物、假日坐足七人嘅家庭用家而言，絕對符合經濟效益啦。


■全新三幅式軚環，型仔又夠實用。


■車櫳空間足，加埋天窗，開揚感十足！


■波棍設於面板，設計較傳統勝在就手。


■新設計嘅紅殼尾燈組，長條形超靚仔。

Honda Stream RS 1.8/$199,880規格引擎： 1,799cc直四 i-VTEC LEV
馬力： 140ps/6,300rpm
扭力： 17.7kgm/4,300rpm
傳動：五前速自動波箱
查詢：合群汽車（ 2380 2231）

唔少七人車的設計都以舒適為前提，往往忽略了駕駛感受，能兩者兼備的可謂少之又少。本田（Honda）便為車迷帶來了全新的Stream，造型比上代更 Grand、更富動感之餘，還附設七前速加減CVT波箱，既可為駕駛者帶來樂趣，又可省一點燃油開支，絕對稱得上好玩、舒適兼備的經濟型七人車！

新包圍新觀感

這 部2010年款的Stream雖屬小改款車型，但車身內外的改動卻多達19項，觀感截然不同。從外觀上看，全車加裝了動感大包圍外，還新增了側鏡指揮燈及 電鍍裝飾，就連輪圈、霧燈也經過重新設計，營造出年輕有活力的感覺。相對於「巨無霸」MPV，Stream小巧的車身不僅提高了靈活性，其低地台設計還增 加了上落車的便利性。現時，出車標準還包括後視鏡頭及Parking Sensor，泊超窄停車場都唔使愁啦！

全車裝上擾流套件，看起來更富動感。	出車標準已包括後視鏡頭，泊車自然輕鬆過人。	新增了側鏡指揮燈，行車切線更加安全。

兩款型號選擇

新 版Stream分為1.8 i-VTEC RS及2.0 i-VTEC RSZ兩款，今次試駕的版本為後者，最大的馬力、扭力分別為150匹及19.4kgm，並搭載附設軚環加減波的七前速CVT波箱。試駕當日，載着3名成年 人上斜、爬頭仍有不錯的加速表現，而且行車舒適寧靜，乘坐感相當不俗。另一方面，低重心也增加了行車的穩定性，感覺猶如操控一般的三廂式私家車，高速過彎 不會太浮、傾側度不嚴重，予人紮實、安全之感，配合高剛性的車架，為乘客帶來充足的保障。

操控似揸私家車，高速行車相當穩定。	𠝹環設計甚有立體感，還新增了音響控制鍵。	150匹馬力足夠日常使用有餘，而且非常省油。
喉嘴加上了電鍍裝飾，更有跑味。

貴氣真皮座椅

Stream 是Honda的入門級七人車，即使剔除部分豪華配備也頗合理。不過，廠方並沒有將貨就價，全車座椅、手枕，以至波棍頭均以真皮包裹，門邊還嵌上仿桃木裝 飾，加上新增的多功能軚環及LED門邊踏板，使車廂顯得格外高貴。此外，中、後排座椅均可摺疊起來，以騰出更多的載物空間，足以放下爬山單車等大型物件。 代理表示，預展期內設有出車優惠，兩款型號的售價分別為$199,880及$255,880，據知只有30部配額，想買就要快手！

門邊加設了LED腳踏，非常型仔。	中、後排座椅也有充足的空間，乘坐感不俗。	放平後座可騰出特大空間，相信連大型LCD TV都放得入。

Stream 2.0 i-VTEC RSZ規格表

車型：五門七座位私家車

引擎：4汽缸SOHC i-VTEC

容積：1,997c.c.

最大馬力：150ps/6,200rpm

最大扭力：19.4kgm/4,200rpm

驅動：前置引擎、前輪驅動

傳動：七前速加減CVT波箱

制動：（前）透氣碟、（後）碟式

懸掛：（前）麥花臣式支柱、（後）雙搖臂式

撰文：鄭浩文

攝影：梁偉德

查詢電話：2827 8622（合群汽車）