新股送禮宣傳上市

唔抽都有jetso羅

【明報專訊】即將招股嘅 兩隻新股——霸王集團及361度，都屬於內地消費類股份。作為消費股，產品一定係要接近大眾，故此兩隻新股上市前都有安排，讓香港市民可以接觸到公司產 品，引起市場注意。就好似霸王咁，依家就喺OK便利店，以買任何嘢加15蚊，就可以換購一支原價幾十蚊嘅洗頭水。

霸王洗頭水 15蚊OK有得換

小琴同事噚日去到杏花邨地鐵站OK便利店，買咗一包7蚊嘅香口膠，再加15蚊就換到一支容量有200毫升嘅「霸王中草藥修護洗髮露」，收銀姐姐話，呢支洗頭水超市原價要成40幾蚊，仲話市民換購嘅反應幾好，其他產品已經換晒，暫時冇得揀。

據了解，未來幾日便利店仲有得換購，但暫時未知換到幾時？但係，噚日嘅經驗係，唔係每間OK便利店都有得換，例如中環某啲分店就換唔到。

361度舊鞋換運動恤

而361度由上周六開始就喺旺角朗壕坊舉辦「以舊換新」嘅活動，噚日市民凡捐出一對運動鞋，即獲贈一件361度全新專業運動 Polo shirt。每天限量100件，每人限換一件，換完即止。此外，小琴亦喺街上見到，有的士車頂整咗隻361度嘅波鞋周街走。