蠱惑中介奸外傭博炒搵着數 賺手續費

唔知大家有冇仲過招?

【本報訊】聘請外傭無非想減輕家務負擔，卻有僱主遇上「食嘢唔做嘢，做嘢打爛嘢」的麻煩女傭。有在職媽媽被印傭的「優良」工作紀錄吸引即時聘用，上工後表現差擺明「博炒」，做三個月便自行辭職，但拒收機票回國，皆因想收與機票同值的現金，以留港再搵新工。事主揭發女傭有從未完成合約的往績，質疑僱傭公司以失實資料僱主入局。僱主團體指近期外傭「博炒」個案激增，籲僱主小心。記者：梁御和

家中一向聘用外傭照顧孩子的鄭太，因外傭約滿回國， 6月尾透過有 4間分店的海盈僱傭中心物色了一名印傭。她表示，據海盈提供的推介資料，她兩次圓滿完成兩年僱傭合約，紀錄良好，令她有信心錄用。惟印傭上班後鄭太始知中招：「佢成日打爛嘢，態度散漫，好似博炒；做到第三個月話要放一個月大假，我拒絕佢就辭職，前後剛好四個月，過埋海盈嘅免費更換女傭限期」。
鄭太越想越不妥，要求印傭交出護照查閱，竟發現她 2006年第一次來港，五年間換了六個僱主，最短工作數月即離職，從沒完成一份合約，並有多次進出澳門的紀錄。她向海盈投訴資料失實，要求退回 3,000多元手續費被拒：「佢哋話資料由女傭提供，唔關佢哋事。」
按法例，外傭離職後兩星期便要離境，僱主可付款或購買現成機票給外傭回鄉，鄭太的印傭本月初離職，她本想購機票給她離開：「點知佢唔肯，有一日仲上門好似追數咁，話要錢唔要機票。好明顯佢唔會返印尼，要留喺香港再搵第二個僱主。」

海盈職員指工作紀錄由印傭提供，該公司不會查核。

海盈提供的印傭工作紀錄，列明她曾完成為期兩年的僱傭合約（ Finish Contract、紅框示）。
規模較大中介會核實紀錄

事件拖拉一個月海盈仍無回覆，鄭太日前向《蘋果》申訴，並到海盈荃灣分店要求退款，質問職員何以印傭的工作紀錄失實，職員直言資料由印傭提供，該公司不會核實，也無檢查過其護照。職員指事件交高層處理後再回覆她，惟一直沒下文。海盈回覆本報表示，外傭乃自行填寫工作紀錄，該公司不會干涉，也不會退手續費予鄭太。記者以顧客身份致電市面上數間規模較大的外傭中介公司，職員表示事前會核對外傭提供的工作紀錄，包括翻查護照及聯絡前僱主，確定資料無誤才轉介客人。
外傭僱主義工隊召集人陳錦花則指出，不能盡信外傭公司提供的資料：「有啲外傭公司唔會查證外傭嘅資料，有乜事就賴晒外傭，手續費就袋袋平安；不排除部份公司同外傭夾埋，甚至引導外傭咁做，令僱主要不斷請新女傭，從中賺取手續費。」

聘請外傭小貼士

1〉優先聘用續約、完約女傭
2〉查看女傭護照有否不斷以新入境簽證受聘於不同僱主
3〉要求外傭公司協助與上手僱主聯絡，了解女傭表現
4〉親身或透過視像與外傭面試，了解其語言能力、學歷和工作經驗
5〉留意中介公司包換期限制，如換人時限及需否賠償機票等
資料來源：外傭僱主義工隊


屢見不鮮
做唔夠三個鐘辭職2011年12月29日

蠱惑中介奸外傭博炒搵着數 賺手續費　呃機票錢
From :
http://hk.apple.nextmedia.com/news/art/20111229/15934504

外傭僱主義工隊召集人陳錦花指出，外傭「玩嘢博炒」賺取代通知金及機票的情況一直存在，刻意「打爛嘢」逼僱主炒魷補錢屢見不鮮。

唔使做五、六千蚊落袋

「幾年前每月最多一、兩宗，近期每個月都有十幾宗。試過有外傭返工唔夠三個鐘就話辭職，掉轉頭上勞工處告僱主解僱，追討一個月代通知金。攞到通知金同回國機票費，唔使做就有五、六千蚊落袋，然後去澳門過冷河，當出過境，再返香港重施故技。」
陳錦花促政府制訂合約冷靜期，讓僱傭雙方均有足夠時間考慮清楚才落實合約。
香港家庭傭工僱主協會主席羅軍典建議，僱主可透過小額錢債審裁處追討損失：「中介公司提供嘅資料同事實不符可構成誤導，過往有同類情況獲得勝訴。」《蘋果》記者

http://nataliatrifena.blogspot.hk/2012_02_01_archive.html <-- 呢個blog有好多資料