政府派6000蚊 大新開戶 送100

如果新客出年4月後開戶羅錢味有300?, 到時promotion可能已完
2011年8月19日

【明報專訊】禮拜日開始，老人家就可以先登記，領取政府派嘅6000蚊。渣打早前已率先講自己有乜嘢配套服務，幫市民攞錢。渣打早前估過，本港有幾十萬人冇銀行戶口，政府派6000蚊畀佢地都要先經過郵局。所以銀行若果想吸收呢幾十萬名「隱蔽」人士成為客戶，就要好好把握派6000蚊的機會。

大新銀行(2356)噚日就扮起財神，又送6萬蚊頭獎，又予新開戶顧客百元現金，吸引市民存入政府派的6000蚊。

大新話，只要新客開戶之後再入多4000蚊，加埋領取嘅6000，維持呢1萬蚊喺個新戶口度擺足1個月，就送100蚊現金。對於已經開咗戶嘅就出第二招，就係喺今年11月底前登記「$6,000計劃」，即時送20蚊，仲可以試下手氣抽6萬蚊現金頭獎。唔知呢兩招可唔可以吸引到新客呢？

當然啦，大新嘅派錢服務唔會少得「$6,000計劃」大使、延長營業時間、設立表格收集箱。呢啲同渣打啱啱增聘咗嘅100個大使、「1分鐘快速登記」真係心有靈犀喎。

小琴比較兩邊嘅服務，大新好似就差在未出動放大鏡，佢市務部主管陳偉思就話，「我哋表上面嘅字已經好大喇喎！」