新假期最近專欄--是時候報稅

應該大家都收到報稅單了，留意收到後一個月要交反

相信大家好快收到本年度報稅表，poor guy唔係稅務專家，不過有啲知識可以同大家分享。

1.按人頭減：今年個人及單親免稅額加咗8千，已婚人士加萬六，好過無！

2.進修回吐：今年進修考試費同去年一樣減6萬蚊，記住留收據！

3.好事多為：認可慈善捐款今年升咗10%，可以扣減應評稅入息的35%！

4.供樓減息：等銀行按揭減息，倒不如填報稅表時，記住報銷供樓貸款利息，每人可自選報銷任何10個課稅年度。兩夫婦就有20年，如果頭十年用老婆名，後十年用老公名．．．．．．不過做唔做自己諗，因為轉名費都要數千元。

5.上有高堂：只要父母歲數大過55歲，他們有無打工，子女都可以報銷供養父母免稅額，合共3萬。

稅局官網詳列2003/04至本年度稅率，發現今年追貼沙士價，相信多咗人交少咗稅。不過大多數人因為懶／唔識計數，即使稅局計錯數都唔理／唔知，其實稅局官網提供計算薪俸稅的表格，非常易用。此外，最緊要影印所有表格及單據，有需要都有證有據追數。
（http://www.ird.gov.hk/chi/ese/st_comp_2008_09_budget_proposal/cstcfrm.htm）

填表按掣就幫你計稅，懶鬼及數學白痴適用。