銀行: 出糧賬戶優惠EXP分享

近呢1-2年銀行都會推出不同的出糧賬戶優惠, 之前都同大家分享過一些出糧賬戶優惠 (舊文)

對銀行黎講, 出幾百蚊cash rebate/現金券, 不單可以獲取客戶最update的個人資料for cross selling, 而且仲可以每個月有固定的現金流入, 呢幾百蚊對銀行黎講其實係濕濕碎o者....

以下為現在/曾經有出糧戶口優惠的銀行:
1.恒生 ; 2.渣打 ; 3.大新 ; 4.南商 和 5.東亞

以上銀行的優惠我都曾經join過, 由於舊公司要改personal info係好方便兼用e-submission, 所以我都曾"樂此不疲"地不停地轉戶口去拎jetso... 現分享我個時的出糧賬戶優惠和條件, 請注意有些銀行已更改一些條件, 如想玩出糧戶口遊戲請去有關網址看看最新條款:

2006 - 2008年
1. 恒生 (出糧1次, 有$300 cash dollar, 現在要有2次出糧紀錄);
2. 渣打 - 紅利出糧賬戶 (出糧2次, 有$300現金券);
3. 東亞 (出糧3次, 回贈為月薪的3%現金回贈存入到你的信用卡賬戶);
4. 大新 (出糧3次, 之後有$800 cash rebate到saving account);
5. 渣打 (又食多次渣打, 出糧2次有$300現金券)...

由於今年轉左新工, 無得再玩以上的出糧遊戲, 故此今年暫時只係拎左南商的$200現金回贈兼好自在賬戶的$100 citysuper現金券, o黎緊9月我將會再用恒生的出糧賬戶優惠 for 2 months, 目標為拎多$300 cash dollar! 正!

可惜南商的出糧賬戶已完結, 而家仲做緊出糧賬戶優惠的銀行有:
1. 渣打 (30/9前) - $300現金券
2. 恒生 (30/9前) - $300 cash dollar
3. 東亞 (31/12前) - 月薪的3%的現金回贈

如果你係高薪一族, 申請東亞就最jetso, 因為以你月薪的3%計算...max for $3,000 cash rebate

-現金花紅將於第3次自動轉賬支薪交易完成之月份後的3個月內以免找數簽賬額形式進誌客戶指定的東亞銀行信用卡或聯營卡賬戶內。每位合資格客戶最高可獲贈港幣1,000元之現金花紅，而合資格的顯卓理財客戶（以顯卓理財戶口為自動轉賬支薪戶口）最高可獲贈港幣3,000元之現金花紅.... (條款)

恒生就以你月薪計算出糧所獲的cash dollar! (條款)

所 錄 得 之 最 低 出 糧 金 額	可 獲 贈 恒 生 信 用 卡 Cash Dollars
使 用 恒 生 「 優 越 」 理 財 戶 口 出 糧 金 額 達 HKD30,000 或 以 上	$600
HKD8,000 或 以 上	$300
HKD8,000 以 下	$100

渣打就最無論出糧多少都係獲$300現金券 (網頁)