不同信用卡對迎新簽賬都有不同的要求, 大部份都係由2-3個月要簽夠 $2,000元到$3000不等, 其實我玩卡咁多年, 身邊的同學/同事和朋友大部份都對信用卡不屑一顧, 佢地的反應係「嘩! 要簽幾千銀先幾百蚊, 唔抵！」雖然好多時好想同佢地講下信用卡不同的jetso, 但係同佢地講佢地都無心裝載....但身為精明的天, 應該唔會有呢個諗法....所以現在同大家分享下有咩方法去滿足不同的迎新簽賬的方法...
首先, 不要同時申請太多卡, 不要為左簽賬而簽賬, 不要為左拎welcome gift而特別去消費, 咁係違背左我地呢個group的目的 - 就係為左jetso和慳錢. 當你一次過申請太多新卡時, 除了會較難審批外, 而且仲會一次過要「追數」去碌, 勞民傷財! 我曾試過墮入呢個深淵, 結果洗多了$,卻拎不盡welcome gift....! 所以, 請不要一次過申請太多信用卡!
若果真係有太多數要簽, 咁點算? 其實綜合以往自已和朋友的經驗, 有以下的方法:
1. 去百佳/惠康/萬寧/watson's等買coupon, 因為你日常生活或多或少實會去此等商鋪進行交易, 咪可以用coupon! 而買賣coupon係會當「零售簽賬」, 每一種信用卡都會count for welcome gift;
2. 去手機供應商 / 寬頻供應商簽賬, 一次過預繳數期的費用, credit戶口後每個月便會自動自覺扣數了;
3. 申請附屬卡sub card比信得過的親友, 有些信用卡會count sub card的簽賬為迎新簽賬;
4. 如有醫療卡/保險, 去卓健醫療中心等收信用卡的醫療中心看醫生或者去洗牙, 部份連銷牙醫和大型的中醫係接受信用卡付款的;和
5. 最後, 最常見的招數便是和朋友爭碌卡, 有新卡時叫朋友/同事一齊去飲茶食飯爭碌卡, 但記住去一些新卡有提供優惠的鋪頭, 咁大家都有so........又或者幫朋友買野/交學費等...
其實, 不同信用卡對迎新簽賬有不同要求, 有些會要求「零售簽賬」(要有黃單/底單的交易); 有些信用卡銀行連「bill payment」都會count as迎新簽賬...
「零售簽賬」和「bill payment」又有何分別? 除左以上的方法外, 如何精明地拎迎新簽賬? 容後再談。
補充:
我一直都講漏左一個方法, 就係可以用透支的方法, 去滿足迎新簽賬....
但呢個方法係最後一招, 因為透支要charged 手續費 (通常係透支額的3%) plus 透支利息 (interest), 所以, 如果真係簽唔夠數, 可以去分行櫃位/ATM, 透支一筆錢出黎, 然後即刻用PPS/ATM的方法還錢, 咁樣可以只收手續費+1日利息; 若然再盡o的, 可以先入錢credit戶口(如credit準備透支的金額plus手續費), 然後"透支", 咁會charged手續費only而不會被charge利息....近排鈦Man卡的promotion, 好多朋友都係用呢個方法去拎禮物....)
透支詳情和利息/手續費, 記得問清楚銀行啊!
沒有留言:
發佈留言