最近一通專訪

雖然係平佣, 但都有成千萬純利一年,所以唔好話平野一定唔得, 一定冇錢賺, 由其係internet年代. 每個客賺小小, 因為人數多, 可以有巨利. 一個system 完成後. 經過幾年已經deprecate曬, operation cost 又fixed, 每多一個trade, 就賺一個!!!

以前佣貴係因為internet 味普及多人手process.

香港首家超低佣證券行一通證券，由遭批死「維唔到皮」，到仿傚者接連出現，再到豪言「證券業麥當勞化」，市場大跌眼鏡！該行行政總裁宓光輝更反駁「頂爛 市」指摘，稱每月淨佣金收入逾50萬元，盈利可觀絕非以本傷人，「其他行應該諗下點解我哋可以賺錢，而佢哋收咁貴都賺唔到。」

着競爭對手反省

一通自08年推5元一單刁後，即使宣傳欠奉，客戶人數卻累升11倍，佣金收入更漲19倍。宓光輝指，市場實際反應較他當初想像的大得多，但亦證明低佣有 市，「當市場有需求，就好似如有天助咁，唔需要你夾硬揠苖助長」。
宓光輝透露，集團目前客戶總額達2.2萬人，每日新增客戶15至20個，每個交易日佣金收入9萬至10萬元，一個月收入180至200萬元，扣除以租金及人工為主的成本，每月淨佣金收入50萬至60萬元，去年純利更已達千萬元。

眼 見利潤可觀，超低佣證券行近年迅速湧現，成立僅約一年的恒山證券早前更推出3.88元的全城最抵價。面對競爭湧現，宓光輝則不以為然，並指折扣經紀行業在 港僅起步階段，合共佔整體市場最多僅約6%，「如果可以形成市場力量，嗰94%慢慢都會變成我哋嘅客……再多幾間都唔係壞事」。
但對於傳統證券行 惡性競爭的指控，甚至有對手指明道姓追打，宓光輝只笑言，「我哋管理層全部都係專業金融人士，嗰啲拎住其他行戶口嚟就有折扣嘅嘢，我哋唔會做。」但他強 調，該行是長期維持低價兼享利潤，絕對不是以本傷人，而他們以網上為主的客路，實際與傳統經紀行有很大分別，「係你賣花生油，我賣粟米油」，認為大家應抱 共存心態。
未來大計方面，一通指早前推出的免佣券，目的是令三分之一不活躍戶口再度活躍，「咁做比吸新客成本更低」。另外，瘦田耕開有人爭的新股 暗盤業務，一通隨時加入競爭，該行已向證監申請，估計年內可推；為吃到盡，集團亦已入紙申請散戶借貨沽空服務，「要將大戶做得嘅嘢散戶化」。

料證券業麥當勞化

一通希望，可以做到證券業麥當勞化，即是證券行只提供櫃枱處理基本工作，投資的複雜部份則要有待客戶自行處理，「兩三年就一次大或小股災，投資者已經聰明 咗」。至於再進一步的路，就是三至五年內在主板上市，「唔係為錢，呢行最緊要係畀信心客戶，條路一定要咁行」。
記者︰林靜

http://hk.apple.nextmedia.com/financeestate/art/20120507/16313004