我講故事~你要聽 27112009

我公司有位其人異仕, d笑話多到.......就講其中一單

##########################################################
(中午時間, 又係電話響)
異仕:"喂~ 我有個 file del 左, 我想搵返呀"
我:"哦~ 如果妳 del 左個 file , 可以去 trash bin 度搵返嫁喎"
異仕:(好寸咁講)"搵左啦~ 冇呀~ 搵到唔駛搵你啦"
我:(&*#^&^$*&^$#*#^*)"我過黎睇下先"
(再 chk chk 佢部機, 個 trash bin 係吉既)
我:"妳 del 左個 file 之後, 係唔係 empty 左個 trash bin 呀"
異仕:"係掛~ 唔知呀~(開始賴啦) 你快d搵返個 file 出黎啦~ 我趕住要呀"
我:"咁要同妳掃 hdd 先知搵唔搵得返出黎喎~ 不過可以要停機, 拆隻 hdd 出黎掃喎"
異仕:"下?! 你地冇做 backup 既咩"
我:"有~第一我地做 backup 係每晚做一次, lunch hour 係唔會做; 第二, 我地做
backup 係 file server 做, 唔係做每個人部機"
異仕:"點解呀~咁如果我部機d野唔見左咁點呀"
我:"我地放個 file server 既目的咪就係比妳地放d file 上去囉, 唔係叫妳儲晒係部機呀!"
異仕:"...........(又發爛)....咁點呀...我而家要用呀"
我:"咁妳自己 del 左個 file , trash bin 都 empty 埋. 唯一個方法係拆出黎做
restore 咋喎~不過要幾個鐘啦最少"
異仕:"....咁.......我再睇下點先啦"

(咁就走左去啦.)
冇耐就...
(CFO 來電~ )
CFO :"入一入黎我房"
我 :"OK"

CFO:"究竟發生咩事?"
(原來有人插我地冇做 BACKUP)
我: (咁我就講返成件事既前前後後, 同 BACKUP 原因啦)

(個 CFO 係一個明事理既人, 而且好早都知呢個異仕既能耐. 所以我冇擔心)

CFO:"咁好合理丫, 佢地 IT 已經盡力量做到應該做既野. 妳究竟個個咩 FILE 黎嫁~
咁重要"
異仕:"呀.......咪咩咩咩份 MEMO 囉..."
CFO:"咁個份 MEMO 最多都係一頁"
異仕:"咁有咩理由 DEL 左就囉唔返嫁"
我:"但係妳連 TRASH BIN 都 EMPTY 埋嘛"
異仕:"咁..........................點解唔問多我幾次係唔係真係 DEL 先 DEL 丫"
我: (O 咀)" 咁個 OS 係冇得 SET 要問妳幾多次, 妳要答足某個次數, 先真係 DEL 嘛"
(忍笑中)
CFO: (忍笑中)
異仕:"咁佢要好確實咁知道, 我真係要 DEL 個文件先真係 DEL 嘛. 咁我聽日D文件如果又係咁, 咁點算呀?"
我:(忍唔住爆左句)"如果我可以做到一個 BACKUP SYSTEM , 係可以 BACKUP 定聽日既交件的話. 我而家唔應該係度答妳問題啦"

-完-