陸東嚴選賺錢四路

陸東嚴選賺錢四路
揸實內房內銀股　買黃金香港豪宅
2009年09月13日

【本報訊】金融海嘯一周年前夕，昔日明星分析員、現　基金經理的陸東寄語投資者，海嘯引發的後遺症會延續並深化至明年上半年，不過仍可在股市、樓市以至商品市場範疇內，作出合適投資決定，為財富增值。　記者：黃武榮

陸東昨出席一投資論壇時作出預言，強調中國股市現時仍然算平，中央去年大開水喉 4萬億救市，率先受惠的絕對是內地樓市，本港樓市亦間接受惠。陸東重申，中央現時沒有條件加息，「 93年宏調，當時通脹 27%，家連續 5個月通縮，因此沒宏調需要。」「大陸有條件、有能力連續一、兩年長開水喉，如果家大陸有樓或揸住內房股，唔好放。」
棄港銀揀內銀股

銀行股方面，陸東建議投資者揀內銀棄港銀，「大陸銀行係全世界最硬淨銀行，唔係佢哋做得特別好，而係全世界都做錯嘢。招行（ 3968）、中行（ 3988）非常穩陣，股本回報相對市賬率並不算貴，比恒生（ 011）平一半。」陸東坦言，本地銀行利息收入及產品銷售下降，失去盈利動力下，未來經營環境仍然惡劣。
陸東對本港樓市亦有偏好，相信豪宅會遠遠跑贏中價樓。「未來兩年，真正落成的豪宅只有 150間……香港豪宅聚集全世界有錢人，大部份更係大陸富豪。」相反，美國經濟未完全復蘇，本港失業率將超過 03年沙士時的 8.3%水平，中價樓會較為遜色。
美國樓價要再跌一半

對於美國經濟何時摸底，陸東指先決條件是樓價回復至合理水平。「樓價向來與經濟同步，近十年美國濫貸濫放，令樓價飆升，大幅拋離經濟。量度跌幅計，起碼要再跌一半始與經濟同步。」
「官員同專家個個講見到春芽嫩草（ green shoots），對唔住，我未睇到。美國失業率現時超過 9%肯定未見頂，銀主盤仍不斷增加。美國已零息，沒有招數可出。超低息環境起碼維持 12至 18個月，同時現時銀紙流轉速度大降，意味明年一定出現通縮。」
金價上周衝破 1000美元，陸東坦承向來不喜歡黃金，「一來無息收、二來無工業用價值，但過去 12個月，全球對貨幣失去信心，聯儲局狂印美鈔下，越來越唔值錢。黃金供應不會離奇
陸東大預言

‧內房及內銀股前景佳，可跑贏大市
‧看好香港豪宅市場
‧美元弱，金價可衝破 1300美元一盎斯
‧未來 12至 18個月，超低息環境持續
‧美國樓價起碼要再跌一半
‧本港失業率將越 8%，高於 03年沙士時期

陸東妙論精句

‧股市升跌睇三樣：信心（ PE）、今年盈利、明年預測盈利，唔係三五六七叔決定。
‧如果你喺澳洲有樓，好快走（賣），未來兩年會非常慘淡。
‧全世界最大三間銀行都喺祖國，唔係佢哋特別叻，係鬼佬銀行做錯咗。
‧千祈唔好以為中國可以拯救世界，中國可以救自己、救香港、救埋澳門同台灣，但救唔到世界，中國嘅問題係人太多。
‧物以罕為貴， 35E唔算係豪宅，將深水埗（樓）當深水灣（樓）賣嘅單位亦唔算。
未虞大跌
維持港股今年 21900

近年睇市奇準的陸東，向來被稱為「港股大好友」，不過恒指上周衝破二萬一關之際，他昨依舊維持今年港股合理值 21900點，惟重申中港股市仍是區內吸引力最佳市場，以現時恒指預測市盈率（ PE） 15倍計算，與過去 34年平均 14.8倍接近，「唔算貴，亦唔算好平，但企業盈利增長將獲調升，短期大市無大跌風險。」
陸東補充，根據其盈利收益率差模型推算，今年恒指合理值是 21900點，「合理值非常之科學，但股價/指數向來不理性，出現偏差並不出奇。至於明年的合理值，仍等待地產股全部放榜後，掌握較全面數據後始計算出來。」
掌握中央政策最重要

對於內地股市，陸東不諱言只要掌握中央政策，即可捕捉 A股大形勢。「去年第 4季中央救市，屬於極明顯的入市訊號，而上月 A股調整兩成，內地立即為 QFII加碼，投資者似乎意識到 A股調整完成，中央會出手維護股市。」