信用卡簽賬分期

曾幾何時記得中信嘉華銀行推出免息免手續費簽賬分期, 因為呢個selling point令我申請左佢. 不過好可惜呢樣野已經唔再存在, 亦都因為再冇新推廣所以令我放棄擁有佢.

今日終於由富邦銀行將呢樣野重現番響大家眼前. 只要申請佢地既白金卡/鈦金卡就可以入場. 雖然同citikawah既條款有差別, 但都不失係一個selling point. 只要簽賬$500以上, 就可以響7個工作天內致電佢地hotline申請分6期攤還. 即係話如果你想買5k野又唔想一炮比, 可以考慮下做分期每期$834咁去供. 又或者一張賬單簽唔夠$500, 你可以合併賬單去玩呢個分期, 只要合併後>$500就有得玩勒.

留意番既就係可做分期既簽賬額係你既信用額50% & 係6個月分期, 同埋推廣期只係做到下年7月31日咋. 有關其他可以睇條款.