對付信用卡 Hotline 的方法

銀行的信用卡hotline, 很多時都要等很耐先會有人聽, 仲要按好多的選項先搵到個有血有肉的CSO/CSE去聽你的電話, 表表者有「大新DAHSING信用卡」和「東亞HKBEA信用卡」熱線, 我曾試過用大新的hotline, 等左>20mins先有人聽....要對付咁既服務態度? 不用怕, 有以下有小小的
"詭計"可以教下大家使用:

1. 如果可以, 主力使用一些小型銀行的信用卡, 如創興, iexpress信用卡 (遲下會介紹iexpress信用卡, 一張可以self-degisned的信用卡), 佢地的hotline係24小時available兼係不用點按掣便有客服主任專人去接聽的, 服務質素仲愈來愈好...;

2. 避開繁忙 ("煩"忙?)時間, 等待凌晨時份/朝早七點幾八點的時份打去hotline問野...成功的機會較大;

3. 打去報失熱線 / 選擇hotline的報失選項, 其實理論上負責報失的都是同一批CS, 佢地理論上都可以check到你account的事宜, 由於hotline的報失選項通常都係menu的頭幾頁 / 項目, 兼且通常很快有CSO接聽 (可見銀行係自私的, 你報失左銀行即刻有人聽去cut卡, 不想孭數);

4. 打去hotline的普通話/英文條專線, 不用怕! 我試過幾次打去, 由於講英文和普通話的客人較小, 故此通常很快有CSO接聽聽, 但其實佢地都係由一批英文/普通話較佳的香港人去接聽, 你一打去就扮哂野話※吾好意思...揀錯選項...可以幫我check XXX嘛?※ 佢地都唔會唔理你...萬一遇到要真係講英文/PTH的, 咪照講英文/PTH囉, 哈哈.... 又或者叫佢地轉駁到廣東話CS hotline; internal transfer可能會較快 (我個人認為係..... XDD)

5. 最後, 如打中文輸入法較快的朋友們, 就係應多使用各銀行e-banking的email enquiry (東亞, HSBC, 恒生等)講清楚你想知道的事項, 等銀行check清楚後再直接聯絡你, 簡單和直接!

想KO信用卡hotline? YES! 就係咁簡單!

以上係小小的"詭計".... 希望對大家有用!