恆生中銀月供股票

港股已經進入熊二，股市會陰o的陰o的咁跌。如果對長遠前景信心，又想慢慢入貨，可以選擇月供股票。

香港有好多銀行都提供呢個服務，以恆生同中銀最低。恆生逐隻股票收費，收月供總數的0.25% 或50文(以較高者為準)，但呢個收費已經包括所有費用#，只要一路keep住供，唔會再有其他收費。不過佢同匯豐一樣，要由港元戶口過數(當然戶口係扣數日要有足夠的錢)，唔可以用信用卡扣數、拖數、儲分。

中銀同樣一個收費(劃一為供款額的0.25%，最低收費為HK$50)包所有費用#，但除佐可以碌卡俾錢同儲分之外。收費仲係以每個戶口/張卡計，每個張卡最多可以供5000文，每隻股票最少供500文(恆生最少每隻供1000文)。如果超五千文月供，最好用港元戶口供，因為供款無上限，唔使分二張卡供收兩次錢。

中銀卡可以以20,000分換100文wellcome coupon，以每月買五千文股票為例，月供4次就可以換coupon。真係財息股現金卷同得。

留意唔係隻隻可以月供，只有指數成份股或者實力股(e.g. 中電, 匯豐和宏利等) 先可以。中銀會係每月十一號上午開市後十五分鐘買貨。

#:佣 金 、 印 花 稅 、 香 港 交 易 所 交 易 費 、 證 監 會 交 易 徵 費 、 證 券 保 管 費 、 買 入 證 券 存 入 費 及 代 理 人 服 務 費 ， 更 不 設 計 劃 調 整 及 終 止 費 用 。

詳情:
中銀月供股票
恆生月供股票