Google Ad unit

顯示包含「飲食男女」標籤的文章。顯示所有文章
顯示包含「飲食男女」標籤的文章。顯示所有文章

佐敦童軍總會-園林閣

午市自助餐做緊promotion, 成人每位淨價$348(已包加一),童軍總會是佐敦少數有大型停車場的酒店餐廳,是次推廣提供泊車優惠,星期六日,一家大細,泊好車就可開餐,快的book位,但黎緊母親節前後就無呢個優惠,是常識吧。




大快活爆脆餐

大大碗-$48,可選咖哩/肉碎汁,用coupon平4蚊,再用alipay or wechatpayg儲$3印花花。

有湯不包其他飲品!都係deli-o $38半春雞抵食

雞腳筋鴨下巴 16蚊一籠蝦餃 地踎食肆晉身米芝蓮

雞腳筋 鴨下巴  16蚊一籠蝦餃 地踎食肆晉身米芝蓮


【本報訊】食物無分貴賤,就算是鴨下巴、雞腳筋,只經過一雙巧手,也能跟鮑參翅肚齊名,更將一間一間小店舖帶進國際權威飲食指南《米芝蓮》的殿堂。只要皮薄餡靚, 16元或與近百元的蝦餃,也同樣帶來星級享受,平民百姓擠在地踎小店也吃得開懷。《米芝蓮指南香港澳門 2010》(右圖)昨日出版,收錄了 245間來自香港獲推介的餐廳和酒店,摘星食肆 42間,包括全球最平的星級食肆北角阿鴻小吃和旺角添好運。
記者:翁煜雄 白琳 張文傑

《阿鴻小吃刁鑽滷味》

阿鴻小吃位處北角毫不起眼的小街,專做滷水鴨下巴、雞腳筋等刁鑽滷味。數月前兩名神秘女子前來吃晚飯,叫齊餐牌所有菜式,擠滿整張桌子,吃了兩小時還要打包。老闆阿鴻正暗忖兩人如此開胃之際,她們即表露身份,自稱米芝蓮職員,要求參觀廚房和廁所。阿鴻心裏暗喜,「我覺得好好彩,但係業主仲好彩,有得加租。」


一星餐廳
北角和富道 84至 94號銀輝大廈地下 4號舖


招牌菜雞腳筋分芥末及麻香味(左上角),鴨下巴(右下角)每日限賣 30多碟。

憂無徒弟傳承廚藝


阿鴻研發新式滷味成功吸引年輕食客,更自稱餐牌上所有菜式都做到逾八十分。

老闆阿鴻是開籠雀,談任何話題都「雞啄唔斷」。他入行 30多年,在鏞記學師,再轉職主理新舊機場食肆的世界之窗集團,一度升至主廚,高峯期同時打理十多間食肆,最終因壓力太大,毅然退隱。 03年沙士疫潮後他趁租金大跌,在北角和富道租了 600平方呎小舖,一半地方放飯桌,只能容納 40名食客。
最初小店非常冷清,阿鴻為保菜式新鮮,每天即晚丟掉賣剩的大盤食材。直至他推出新派滷味,少油少鹽,生意才轉虧為盈,「老一輩會嫌唔夠濃,年輕人就鍾意,有滷水味又有肉味,食完唔會口渴。」新菜式吸引大批年輕食客,再經飲食雜誌發揚光大,開業兩年才歸本,熟客包括蔡瀾和譚詠麟,「初初啲人摸上門,我仲以為佢搵人。條街咁靜,又大風,冇人行。間舖帶旺成條街之後,業主恭喜我,我恭喜番佢,啲租都貴晒。」
現時阿鴻最擔憂是找不到徒弟傳承廚藝秘笈,「後生仔都唔肯入行,條件好簡單,肯搏肯捱、唔怕我哦。」招牌菜鴨下巴每天只賣 30多碟,雞腳筋醃製兩天才上碟,比鳳爪更爽口彈牙,「打開餐牌,樣樣都起碼 80分。啲客讚好好味,我已經好開心。」

《添好運搶食靚點心》


一星餐廳
旺角廣華街 2至 20號翠園大樓 2期地下 8號舖

四季酒店龍景軒每籠點心近 100元,旺角添好運每籠 10至 18元,價錢差天共地,廚藝卻同出一轍。培哥在龍景軒學有所成,今年 3月自立門戶。添好運店如其名,地踎小館一天到晚被食客擠得水洩不通,昨日更榮升米芝蓮星級食肆。連昔日同事、龍景軒明星級行政總廚陳恩德也致電道賀,培哥笑稱「發夢都估唔到」。

堅持即叫即蒸


添好運的培哥對獲評為一星級食肆深感意外,坦言「發夢都估唔到」。
王子俊攝

侍應手捧的餐盤在食客頭頂掠過,座上客擠得手肘碰手肘,桌上瀰漫蒸籠點心的騰騰熱氣。添好運位於廣華街,夜市食客平均等逾一小時才能入座,但培哥仍然堅持即叫即蒸的宗旨,只要落錯單或擺放太久,點心也會重新再做。昔日帶培哥出身的點心師傅也經常前來試吃及提意見。
培哥得悉獲米芝蓮垂青後感非常榮幸,「好開心,好意外,冇諗過平民食肆都上榜。」他現階段不打算加價或開分店,集中火力親力親為做好點心。
米芝蓮效應瞬間爆發,食客人潮昨日下午提前來襲, 4時許門外已有 20多行食客排隊。曾光顧數次的陳小姐昨日來品嚐酥皮叉燒包及糯米雞,認為用平民價錢吃到酒店級點心,非常超值,「叉燒包個皮出面食唔到,糯米雞唔乾身又唔哽胃。我知佢上咗米芝蓮,即刻嚟食咗先,遲啲仲多人。」家住西貢的吳女士也專程光顧,「豬膶腸粉皮薄又滑,希望升格之後唔好加價。」

pghk lunch推介 (一)

香港有成一百萬打工仔, 除非你日日帶lunch box, 唔係lunch一定出街食, 究竟時下邊度有又平又靚又方便又唔多人既餐廳呢??

就等poor guy 班門弄斧介紹下o的lunch 優惠

頭炮係"魚一丁", 間野係尖沙咀, 可能係新開, lunch 都唔係好full, 唔使book去到就有位, lunch set 由$48 ~ $100 既魚生飯都有, 不過佢o的set 份量好足, 食完一定唔使再食tea.
http://www.wellmartholdings.com/menu/May2009/Iccho%20Lunch%20Grand%20Menu%20webpage%20version_2.jpg

而家用創興卡埋單仲有10% off 變相唔收加一。

http://www.chbank.com/tc/content/perbk/creditcard/standard/year_ro/year_ro.shtml

好啦戲肉來了, 埋完單佢會送反張coupon俾你, 一星期內再食lunch有七折(加一前),兩星期八折, 如此類推。
http://www.wellmartholdings.com/menu/Jun2009/New%20Promotion.pdf

想食o的有質素,唔壁,又唔貴的lunch, "魚一丁"係最近poor guy最近的必然選擇。

小肥羊三免套餐..

何謂三免?? 即係免茶芥免加一 而家去小肥羊 二個人食二人餐 只收$298 (原價要498, 不過呢o的睇下算,最緊要岩自己) 。
上星期去食,好彩早o的 6:30之後 好多人排隊等 ,個餐幾豐富 三個人食都夠 不過要收多一位茶錢($9)..
唔知佢有冇一文優惠呢?? 有興趣可以云下個一文excel

dan ryan's 用hsbc coupon..

前幾日食佐餐dan ryan ,佢美式餐廳,份量都算多,坐低無論有冇叫湯都每人一塊面包+ 鬆糕

我仲叫佐個周打魚湯,點知佢用成大塊面包裝湯,食完呢兩樣野已經有o的飽 ,仲有個海陸大匯,最云本就係呢個 成三百幾文,但係得一塊牛排+ 半隻細龍下

食完超過380 文當然用 hsbc credit card coupon 減五十文 埋單都要五百幾.... 好彩有六百文回贈..呢餐hsbc 請的...如果計岩數380文 回50 文 都有86折... 都算係咁...dan ryan 值得一試... 呢coupon 要3月31號前用..

Pizza Hut 外賣速遞 - by Credit Card

呢個其實唔係乜野新發現, 旨在提下唔知既朋友仔.
如果你肚仔餓叫Pizza Hut外賣速遞的話, 其實係可以用信用卡付款嫁. 只要你落order時講明用信手卡付款同邊間銀行, 咁Pizza羊哥哥就會帶埋部機上黎同你碌嫁勒.

順便介紹下, 我自己都幾經常食佢地既1人常餐,
$35就有迷你pizza, 蒜蓉包, 忌廉湯, 百事一罐. 響公司夾多個同事叫, 夠$60就可以叫外賣喇~
另外個日日2人套餐$149都幾好ok嫁有法式田螺 :p

把握每個簽卡既機會, 迎新簽賬jetso就可以靠咁累積番黎喇 ^0*

窮人美食推介系列: 北角 - 新興發粥店 ($28任食任飲)

<<窮人美食推介>>將會不定期為大家匯報所發現的美食推介!
(前文)

經我同事PP的推介, 今日去左北角英皇道的新興發粥店 (希望無記錯名), 有咩咁正?
既然叫得窮人美食推介, 梗係便宜至上呢!

地點: 北角電氣道308號 (國都廣場後面, 城市花園酒店 & 恒生銀行對面)
價錢: $28 (全包, 任飲任食)
食物: 多款的粥, 油炸鬼, 炒面, 油器, 腸粉, 豆漿, 豆腐花, 糖水等 (全部任食任飲, 但唔包煲仔飯)
味道: ok! 味道不錯!
供應時間: 平日 & 假日 (12:00pm - 2:00pm not included, 假日就好似係2:00pm後先供應)

注意:
由於佢本身的定位係for街坊, 所以本身的粥 & 油器的價錢唔算太貴, 所以如果食量不算多, 基本散叫粥 & 油器都會比起比錢任食($28)為抵; 但如果你本身係食量大, 又或者有幾個人, 咁比$任食都好呢! 自已可以先計計數先決定!

記住任食任飲係唔包括煲仔飯的! 只收現金! ^_^

如下次搵到其他窮人美食推介, 又或者大家知道有咩美食推介, 請大家係度報料! ^_^
此系列將會不定期更新!

P.S. 行過見到北角掏心窩, 晚上9點後$68有任食打邊爐! 有無兄弟試過?
http://www.openrice.com/restaurant/sr2.htm?shopid=21779

蟹主題自助餐推介

秋風起.. 又係食蟹季節,介紹一o的食蟹地方 ^_^

壹周刊資料
鴻 星   免 費 食 多 餐
到 鴻 星 食 大 閘 蟹 , 每 位 $298 便 可 品 嘗 江 蘇 大 閘 蟹 套 餐 , 價 錢
較 去 年 平 一 成 。 套 餐 還包 括 燕 窩 蛋 白 燴 翅 及 蟹 粉 小 籠 包 , 包 你 一 飽 食 慾 。 十 月 十 日 起 , 在 鴻 星
碌 中 銀 卡 每滿 五 百 元 , 即 獲 兩 隻 大 閘 蟹 換 領 券 供 下 次 使 用 , 好 處 是 無 使 用 限 制 , 亦 不 設 最 低
消費 , 讓 你 再 食 多 餐 大 閘 蟹 。
提 提 你 : 套 餐 最 少 兩 位 起
截 止 日 : 十 一 月 底 ( 信 用 卡 優
惠 至 十 一 月 二 十 三 日 )
查 詢 電 話 : 2628 0080

周 年 慶 東 園
為慶 祝 東 園 二 十 三 周 年 , 東 園 酒 家 及 東 園 金 閣 推 出 多
項 大 閘 蟹 優 惠 , 原 價 $98 的 大 閘蟹 , 現 半 價 $48 。 一 蟹 傾 情 套 餐 除 一 隻 老 三 陽 大 閘 蟹 外 , 更 有
蟹 粉 鮑 翅 和 鮑 魚 扣 遼參 , 原 價 $425 , 優 惠 價 $298 , 變 相 七 折 。
以 陽 澄 湖 出 產 的 大 閘 蟹 烹
製 的 籠 仔 焗 大 閘 蟹 糯 米 飯 。
提 提 你 : 套 餐 最 少 兩 位 起
截 止 日 : 十 二 月 初
查 詢 電
話 : 2833 6116 ( 東 園 酒 家 )

仿 膳 江 南   太 湖 風 味
到 仿 膳 飯 莊 及 仿 膳 小 館 有 太 湖 大 閘 蟹 套 餐 , 食 六 兩 的 大 閘
蟹 , 原 價 $540 , 優 惠 價 $380 , 變 相 七 折 。 另 有 恆 生 信 用 卡 指 定 套 餐 , 包 括 有 大 閘 蟹 兩 隻 , 六 折 後 $299 ; 又 或 以
七 折 價 $126 單 點 每 隻 $180 的 太 湖 大 閘 蟹 。
仿 膳 除 了 大 閘 蟹 套 餐 外 , 還 有 京 菜 口 味 的 鮮
蟹 粉 燒 山 東 粉 條 。
提 提 你 : 套 餐 最 少 兩 位 起
截 止 日 : 十 一 月 底
查 詢 電 話 : 2577
2018 ( 銅 鑼 灣 )

壽 星   免 費 自 助 餐
港威 酒 店 磨 坊 咖 啡 廳 現 有 蟹 皇 之 王 自 助 晚 餐 , 能 夠 品 嘗 蟹 肉 酥 皮 盒 、 日 式 軟 殼 蟹 班 戟等 蟹 肉 美 食 , 更 每 人 送 大 閘 蟹 一 隻 。 十 月 壽 星 只 要 三 人 同 行 便 能 免 費 享 用 晚 餐 及 獲贈 蛋 糕 一 個 , 等 同 買 二 送 一 。 此 外 ,匯 豐 普 通 卡 有 八 五 折 , 白 金 卡 八 折 。
自 助 晚 餐 有 多 國 不 同 風 味 的 蟹 肉 美 食 , 還 有 由 生 蠔 、 藍 青 口 及 深 海 螺 等 組 成 的 海 鮮 拼 盤 。
提 提 你 : 兩 項 優 惠 不 能 同 時 使 用 。
時 間 : 6:30pm-10:30pm ( 星 期 一 至 四 ) ; 6:30pm-9:15pm ( 星 期 五 至 日 )
自 助 餐 原 價 : 成 人 $278 , 小 童 $168 ( 星 期 一 至 四 ) ; 成 人 $298 , 小 童 $188 ( 星 期 五 至 日 )
截 止 日 : 十 一 月 底 ( 生 日 優 惠 至 十 月 底 )
查 詢 電 話 : 2113 7926

中 西 合 璧   新 滋 味
除傳 統 中 式 大 閘 蟹 外 , 可 以 到 意 粉 屋 食 西 式 蟹 粉 菜 式 , 包 括 暖 暖 蟹 爐 、 黃 金 蟹 粉 薄 餅及 黃 金 黑 天 使 , 憑 星 展 白 金 卡 、 Titanium 卡 及 Black 卡 有 八 八 折 。 黃 金 蟹 粉 薄 餅原 價 $158 , 優 惠 價 $138 。
意 粉 屋 將 中 式 蟹 粉 融 入 意 式 薄 餅 , 製 成 新 口 味 的 黃 金 蟹 粉 薄 餅 。
截 止 日 : 十 月 底
查 詢 電 話 : 2290 8888 ( 星 展 )

靚 蟹   送 上 門
食大 閘 蟹 未 必 要 外 出 , 亦 可 外 買 回 家 慢 慢 炮 製 。 在 五 豐 行 、 華 潤 萬 家 及 指 定 惠 康 超 級市 場 , 購 買 原 價 $794 五 斤 裝 大 閘 蟹 禮 券 , 內 有 十 二 隻 四 兩 重 雄 蟹 , 碌 中 銀 卡 有 八八 折 優 惠 , 折 實 $698 。 換 領 時 更 有 免 費 送 貨 上 門 , 但 須 記 得 於 兩 個 工 作 天 前 致 電預 約 取 蟹 。
港 九 各 區 華 潤 萬 家 超 市 均 能 購 買 大 閘 蟹 禮 券 。
截 止 日 : 十 一 月 二 十 七 日
截 止 換 領 日 : 十 一 月 底
查 詢 電 話 : 2593 8743 ( 五 豐 行 )

搵到有三聚氰胺 - 冷凍奶類甜點

今日有朋友send比我, 係直到21/9檢驗和搵到有問題的奶類冷凍甜點...
希望各位可以避開以下的產品, 始終健康最緊要呢!

有關名單請去以下DL:

Fw: 一篇很有意義講大陸牛奶的文章

德發牛丸不外如事..

今日lunch 食好少野, 到佐下午開始肚餓,蛇落去食o的野先。

星期六睇佐"飲食男女",so 絲黃介紹天橋底"德發"牛丸,見佢影到大大碗,以為低食;同埋都好lor 冇入過去,一於試下。

入到去order 佐一碗淨牛丸,點知得八粒同照片好大分別,再+o的味晶水同o的蔥,失望失望!!

食落去又唔係好彈牙,根本就無牛肉味,可能面粉仲多過牛肉。一碗收成二十文,真係唔值咁gei錢。

去mk樂園食好過啦,起碼冇佢咁貴又好食o的。

大家有乜見意,係尖咀返工,下午肚餓想云下野食。

窮人美食推介系列: 佐敦: 正!廉價街坊食館

先旨聲明, 我係無收任何廣和收入, 亦都唔係賣廣告...(我無廣告收入的...)
只係偶然同事介紹呢間中餐館, 諗住姑且一試...
點知昨晚試完就真係值得推介! 希望各位行開佐敦時可以試下...

餐館名稱: 必發海鮮菜館
地點: 佐敦吳松街88-90號地下

點去?
佐敦MTR A出口, 然後向右行, 見到吉野家後轉右再行一條街便到, 由MTR出到餐館若需要
8-10mins...唔太難搵的...

有咩好食?
其實我同事所推介的餸, 和在openrice的留言所推介的都係差不多, 我地昨晚都會叫左佢地推介的菜...開頭諗住都唔會有咩特別, 點知一試之下...掂!!! 我和朋友昨晚叫左以下的餸...
(個人評分...滿分為5分)
-招牌牛柳粒 (5分)
-例湯 (4.5分)
-椒鹽豆付粒 (4.5分)
-避風塘炒蟹 (3.5分- *1分係扣在價錢上)
-辣酒煮花螺 (4分)
-西蘭花炒鮮魷 (4分)
-菜遠牛肉 (3分)
-鴛央炒飯 (3.5分)

價錢 & 服務質素如何?
加埋啤酒汽水, 每人都係約HK$135....如唔叫炒蟹, 仲可以再抵o的...
服務質素ok, 座位ok....仲有電視睇.....
如openrice的朋友所言, 佢個招牌牛柳粒真係一流! 無得頂! 入口即融! 而例湯亦都無味精! good!!
椒鹽豆付粒亦都好滑好香!
其他餸都係水準以上...而且每個餸都係約HK$60 - HK$80 (除左避風塘炒蟹)
係個菜遠牛肉就較遜色, 但都係水準接受範圍...因為牛肉煮得較老....但味道都ok! ^^

有咩缺點?
唔, 必發的缺點其實不多, 係個避風塘炒蟹價錢略嫌高昂, 雖然味道真係幾正, 但係個價錢比我相像中貴...(所以我只比3.5分....1分係扣左係價錢上面, 不是在味道上);
而由於我昨晚的位子在二樓, 故行上去時要較小心....同埋係2/F都有人book枱打麻雀...
所以有時會較嘈吵...但都唔太影響我和朋友傾計 (可能人地反而會覺得我地呢枱嘈...哈哈)

總結
我係度作出推介! 價廉物美, 服務幾好, 環境ok & 廁所整潔....希望各位如行開佐敦, 值得行去試下!

p.s. 如有其他朋友想搵我地poor guy試菜, 都可以搵我地架! 如係好野正野, 我地一定係blog推介! 哈哈...


八八八拉麵 - 銅鑼灣

叉燒拉麵質素均令人滿意,湯底是一碗拉麵的靈魂所在,湯底味道濃旭好味,再加進牛油的味噌湯麵很滋味。而叉燒一碗有五大塊,份量來說算是落足料。拉麵這裏用的是北海道製麵,較一般吃到的拉麵粗一些,而煮麵的時間亦控制得宜,軟硬適中,另加的卥水蛋亦不為遜色,剛剛好生熟蛋,個溏心蛋黃好正,蛋白還依然是滑滑溜溜的狀態。

燒雞軟骨串一點兒燒的感覺也沒有,不但不夠香口,而且食落腍腍的,一點也不像一般的燒雞軟骨香脆的口感,算是全晚最差的一項吧。

煎餃子肉汁豐富,一碟有六隻;美中不足的是餃子的皮不夠薄,有點兒過厚,如果能做得薄一點,就真的「皮薄餡靚」了。

很多人也大讚炸芝士好吃,便點了一客來試試。脆脆的外皮,配以內裏軟溜溜的士,滋味﹗﹗一直不喜歡吃完整的芝士 / 芝士片,但經過加熱溶了的芝士則是愛至極點,不過這個吃起來真的要小心內裏熱辣辣的芝士。

總括來說兩個人埋單吃了二百多元,不算貴,而且口味也算是正宗,喜歡吃拉麵的必試的一間店。