裝修難撈 四房廿萬可埋單?

PG最近搬新屋,廁所一開二,再全屋產底油漆,加埋龍頭,洗手盆,浴室磚,成廿萬埋單。
好彩個師博交帶,做野企里,唔使勞氣。

1月開工3月尾就入伙. 算係咁。
 
企業裁員,香港失業率上升至3.4%,經濟前景暗淡,令消費意欲下降,骨牌效應下,樓市持續不振,連帶裝修行業浮現不景氣。記者經常睇樓,最喜歡參觀裝修單位,最近與若干室內設計公司傾過,大家異口同聲說這半年來生意下跌約三成,估計未來難有起色,即使接到的生意,金額都較以往少,客人勒住荷包,豪氣不再。

昔日樓市旺,肯花百萬豪裝大有人在,一般品味裝修約40至50萬元很平常,當然實際視乎單位面積大小、施工多寡,價格上略有增減。現時市靜,普遍客人收緊預算,不少表明只肯使10幾至20萬元,銀碼明顯縮水。其實可以理解,市旺樓價升,自然捨得花,現時樓價跌,心理上不好受,加上往後經濟下行風險大,寧願留多點錢傍身。

設計師話以10幾20萬元價錢,新樓保留原裝廚廁,只做廳房是可以,但舊樓全屋大執比較難,一來人工貴,水電油漆及木工,每人每日逾1,000元,二來物料上漲,如果小型單位或勉強做到,慨歎生意難撈。然而,今時唔同往日,生意已經少,不想拒客唔做,無奈頂硬上,諗計慳成本,甚至賺少一點,當優惠給客人,希望贏口碑,客人滿意介紹親友再幫襯。

如何慳?限定各類工程施工日數,過程編排緊密,務求盡快完工,省得一日人工得一日。施工方面,盡量少改電掣位,新造傢俬如飾櫃及地台梯級有燈,加長拉線接駁到電掣,翻新廚廁不改來去水位,特色牆貼牆紙或髹鮮色油漆,取代雲石及特製圖案木板。

最印象深看過有飯廳飾櫃頂部加燈,剛好連接側旁假天花燈槽,因而燈槽造短一截,省了約4,000元,左慳右慳下,一個新樓三房兩廳連工人房單位,裝修不消15萬元。當然,事先與客人協商及訂明清楚,免得事後被指偷工減料。據悉,九肚山新樓玖瓏山有個四房單位,裝修費不消20萬元,期待可登門參觀,見識見識。

記者:溫潤潔
http://hk.apple.nextmedia.com/realtime/finance/20160427/55035100

沒有留言: