壹週精明眼 短線長途 全球任你飛

壹週精明眼 短線長途 全球任你飛2010年02月25日

春節剛過,旅遊淡季又到,唔想捱貴票的朋友,最啱依家出門旅遊。
無論短線或長途,包保平靚正!
短線︰星洲娛樂賭城
星洲首間賭場「聖淘沙名勝世界」上週開幕,想去新加坡玩兩手沾吓財運的話,可於
Zuji網站購買套票,連來回機票、住四星級諾富特酒店四晚,每位$2,197。最好係三月出發,事關環球影城預計下週開幕,內有十多項全新機動遊戲玩。
截止日/出發日:即日至 3月底
機票有效期: 5日
提提你:最少二人同行,坐捷星亞航
查詢網址: http://www.zuji.com.hk

東京花天花地
今年東京最佳賞櫻期由三月二十四日開始,熱門地點高遠城址公園應該逼爆。

大地回春,預計東京賞櫻花期在三月開始。在 Priceline訂套票,連來回機票,入住鄰近新宿的三星級酒店兩晚,包每日早餐,每人只需$3,033,屆時櫻花綻放,相信無論吃喝玩樂都必定錦上添花。
截止日/出發日:即日至 3月底
機票有效期: 7日
續住:每晚加$756
提提你:最少二人同行,坐中國國航,於北京轉機,須等一小時
查詢電話: 3192 0900
首爾大手掃貨


圖為明洞夜市,是首爾另一走中高檔次的購物街。

去首爾掃貨,一向「平」字當頭,尤其以東大門市場最出名,門內商店林立,靚衫飾物化妝品比香港平一半。現買學聯套票去首爾,入住東大門區的三星慶南酒店四晚,連來回機票,每位只係$2,498。
截止日/出發日:即日至 6月底
機票有效期: 5日
旺季附加費: 31/3-8/4,加$1,900
提提你:坐韓亞或大韓航空
查詢電話: 2730 2800
一個價錢玩足兩地


開業只有幾個月的 Radisson Hotel Sathorn位於 Siam,交通非常方便。

台灣和泰國向來都是港人短途熱門地,安運旅遊推出豪華超筍套票,只需$5,999,便可坐商務艙去曼谷,入住全新落成的四星級 Radisson Hotel Sathorn兩晚。兼且再送台北、台中或高雄的來
回機票,並免費入住當地酒店兩晚。
截止日: 3月 31日
出發日:可分開兩次旅遊,但截止日為 6月底
機票有效期: 3日
旺季附加費: 1-5/4及 30/4-2/5,加$1,500
提提你:坐中華或華信航空,套票可轉讓
查詢電話: 8101 1652
長途︰遊澳夕陽無限好


依家去澳洲,藍天白雲陽光海灘便是你的目的地。

踏入春季,香港仍然乍暖還寒,想享受陽光與海灘,最啱飛去南半球。永安旅遊推出套票,四千多元便可去悉尼等澳洲五大城市。例如來回柏斯,入住三星級酒店兩晚及包每日早餐,二人同行價$4,709。
截止日/出發日:即日至 3月 27日
機票有效期: 60天
續住:每晚加$700至$900
附加費:一人出發須加$1,130
提提你:坐馬來西亞航空,於吉隆坡轉機,須等四小時,回程可免費停留吉隆坡
查詢電話: 2921 6288
米蘭時尚之旅


去米蘭除了掃名牌,睇時裝騷都是賞心樂事。

以往無直航去米蘭,想到這時裝聖地必須轉機。惟國泰新增直航到米蘭,入住當地四星級酒店三晚,連來回機票只需$7,004,比以往慳了千多元外,更可慳番唔少時間去血拼。
截止日: 4月底
出發日: 3月 28日至 4月 30日(不適用於週二、四、六)
機票有效期: 14日
旺季附加費: 1-4/4,加$2,450
續住:每晚加$790
提提你:最少二人同行,可獲 500分飛行里數
查詢網址: http://www.cxholidays.com/
倫敦坐包廂睇波


現場睇波,氣氛好得多,成班球迷仲會一齊唱歌打氣。

屋企睇波,點及得現場氣氛澎湃。例如睇阿仙奴歐聯十六強賽事,可買歐亞遊的足球套票,包兩晚三星住宿、每日早餐及來回機票,每位$9,900便可在阿仙奴主場坐白金會籍座位,一邊食自助晚餐一邊睇波;至於睇其他賽事,可再平$1,300。
截止日/出發日:未定
機票有效期: 30日
續住:每晚加$1,020
提提你:坐國泰航空,最少二人同行,須出發十日前訂票
查詢電話: 2780 8885
壹搜着數


張惠妹演唱會,將於下週五在紅館舉行。(《蘋果日報》圖片)

睇演唱會慶元宵
星期日便是元宵佳節,週末起到時代廣場購物滿$500,送《張惠妹阿密特世界巡迴演唱會》門券兩張,總值$960。即場捐$20予苗圃行動,更可食龍鬚糖、糖葱餅、蛋卷等其中兩種傳統小食。
日期: 2月 27至 28日
提提你:須食通天餐廳及商店發票各一張,每張不少於$100,每日送出門券約 200張
查詢電話: 2118 8900
最佳食府七五折


美岸海鮮廳連續九年入選香港最佳食府,海鮮及扒類都是撚手之選。(歐陽江攝)

有得揀當然要食最好!即日起,到朗廷酒店「美岸海鮮廳」,食午市或晚餐有七五折。「美岸海鮮廳」以海鮮及扒類馳名,招牌菜有松露菌香烤海鯛,原價$398,折後$299。
截止日: 3月底
地址:尖沙咀北京道 8號
提提你:優惠不包括飲品及套餐,加一收費
泊車:午市免費兩小時泊車,晚市三小時
查詢電話: 2375 1133
BB展掃貨


男爵小狗嬰兒遊戲床,原價$699,折後$399。

本週五起,會展舉行「 BB春季購物節」,場內有不少筍貨,例如嬰兒士的車,原價$248,六折後售$148。同場亦有「兒童成長教育展」,入場人士可免費試上親子 playgroup。
日期: 2月 26至 28日
開放時間: 10am-8pm,週日早一小時閉館
提提你:部分產品限量供應
入場費:成人$20及小童$15
查詢電話: 2811 4522

沒有留言: